Тун учун 5 та маслаҳат: Қорин дам бўлмайди ва вазн йўқотилади

Lifestyle 14:58 / 01.06.2019 22321

У ҳар куни тобора хушбичим ва жозибадор бўлишда ёрдам беради демоқда Lifehacker.ru

Фото: Pexels

Натрий кам бўлган парҳезга амал қилинг

«Агар тонгда ўзингизни шишган шар каби ҳис этишни истамасангиз, кечки овқат вақтида туздан воз кечинг», - дея маслаҳат беради америкалик парҳезшунос Кери Ганс. Ортиқча туз организмда сувни тўплайди ва қорин дам бўлиши ҳамда оёқлардаги шишларга олиб келади. Яхшиси, савзавотларни буғда тайёрлаган ёки гўштни туз ёки зираворларсиз пиширган маъқул.

Эртанги тушликни бугун тайёрланг

Қаҳвахонадаги одатий тамаддида бир ўтиришда ейиш керак бўлган калория икки ҳисса кўпроқ. Шунинг учун тушлик учун егуликни уйдан олиб кетган маъқул. Уни тайёрлашни эрта тонгга қолдирманг. Бу иш билан бир кун олдин, кечки пайт шуғулланишни одатга айлантиринг.

Кўпроқ сув ичинг

Сув барча органлар фаолиятини нормаллаштиради ва иштаҳани бўғади. Турли ёш вакиллари иштирок этган тадқиқотлар овқатдан аввал ичилган сув истеъмол қилинадиган егулик миқдорини камайтиришини кўрсатган. Бу эса вазннинг камайишига олиб келади. Бироқ ой ёруғида ҳожатхонага чиқиб, безовта бўлмаслик учун ухлашдан олдин кўп сув ичмаслик керак.Кери Ганс уйқудан ҳеч бўлмаганда бир соат олдин сув ичишни тўхтатишни маслаҳат беради.

Қоронғи жойда ухланг

Қоронғида организм мелатонин ишлаб чиқаради. Бу гормонни одатда мириқиб ухлашга алоқадор деб ҳисоблашади. Унинг етишмовчилиги эса вазн ортишига сабаб бўлади.

Салқин жойда дам олинг

Уйқу вақтида кўпроқ калория сарфлаш жуда яхши ғоя. АҚШ Биотехнологик ахборот миллий маркази тадқиқотлари ажойиб фактни аниқлаган: 18 даража илиқ ҳароратда ухлаганлар 24 даража илиқ ҳароратдаги хонада ухлаганларга қараганда 7 фоизга кўпроқ калория сарфлашган. Бу албатта жуда катта кўрсаткич эмас. Бироқ ахир айтишади-ку: қатра-қатра йиғилиб дарё бўлур.

Кўпроқ янгиликлар