Water Seer: ҳаводан сув олиш имконини берадиган қурилма

Lifestyle 23:23 / 30.05.2019 5422

Халқаро ва хайрия ташкилотларининг барча саъй-ҳаракатларига қарамай, Африка ҳамда Осиёнинг аҳолиси зич жойлашган кўплаб мамлакатларида сифатли ичимлик сувини олиш имкониятига эга бўлмаган одамлар ҳали ҳам бор.  Бу ҳолат қисман ушбу мамлакатлардаги ҳаёт тарзининг паст даражаси ва давомли қурғоқчиликка олиб келадиган иқлимнинг ўзгарувчанлигига боғлиқ. Айнан шу сабабли турли мамлакатлардаги муҳандислар ривожланаётган мамлакатлардаги сув муаммоларини ечиш бўйича қизиқарли ечимларни мунтазам таклиф этишмоқда. Water Seer номли навбатдаги қурилма ҳаводан сув олиш имконини беради.

Фото: TravelAsk

Бир неча муҳандислик жамоаларининг халқаро маҳсулоти синовлардан муваффақиятли ўтди. Қурилманинг ишлаш тамойили ҳавода сув буғлари бўлишига асосланган. Кейин эса муҳандислар конденсат ҳосил бўлиши, шу тариқа тоза сув олиш учун ҳароратдаги фарқни қўллашни таклиф этишди.  

Фото: TravelAsk

Water Seer қуйи қисми ер остида жойлашган, юқори қисми эса шамол двигатели билан жиҳозланган. Парраклар айланиб, ҳавони пастга тортади, шу тариқа доимий совушни юзага келтиради, чунки қурилманинг қуйи қисми 2 метрга яқин чуқурликда жойлашган. Ер остида ер юзасидагига қараганда анча салқинроқ. Шу сабабли идиш деворида пастга оқиб тушадиган конденсат ҳосил бўлади. Ҳаводан ҳосил бўлган сувни оддий қўл насоси билан тортиб олиш мумкин. Ишлаб чиқувчи мутахассислар ана шундай битта қурилма кунига 40 литрга яқин тоза ичимлик сувини ишлаб чиқара олади.

Кўпроқ янгиликлар