Detoks-oziqlanish va detoks-ichimliklar tez orada ozishga yordam beradigan parhezlar o‘rnini egallaydi degan tasavvur uyg‘onadi. Bunday ichimliklar ovqat hazm qilish va organizmning boshqa tizimlariga dam beradi – ana shunda kompleks sog‘lomlashish yuz beradi. Ortiqcha suyuqlik chiqib ketgani uchun to‘qimalardagi shishlar kamayadi, teri, tirnoq va sochning holati yaxshilanadi, vazn kamayadi.
Sizga darhol detoks-kokteyl zarurligini ko‘rsatuvchi belgilar
- Doimiy ich qotishlar, meteorizm, ko‘ngil aynishi.
- Kuchli charchoq. Uyqudan keyin ham o‘tib ketmaydigan charchoq.
- Bosh og‘rig‘i.
- Kayfiyatning tez-tez o‘zgarishi.
- Terining tez-tez yallig‘lanishi.
- Zararli yoki restorandagi tezpishar ovqatlarni yoqtirish.
- Uyquning yomonlashuvi.
- Qorinning dam bo‘lishi.
- Ortiqcha vazn.
- Bel ayollarda 80 sm, erkaklarda 90 sm dan ortiq bo‘lishi.
Foydali ichimliklar uchun eng yaxshi ta'sir ko‘rsatuvchi mahsulotlar
Olma
- Pektinga boy.
- Ovqat hazm qilishni normallashtiradi.
- Moddalar almashinuvini yaxshilaydi.
Tarvuz
- Kuchli «namlantiruvchi», suv muvozanatini to‘ldiradi.
- Yallig‘lanishning oldini oladi.
- Tomirlar sog‘lig‘ini qo‘llab-quvvatlaydi.
- Peshob haydash xususiyatiga ega.
Kivi
- A va Ye vitaminlari manbai.
- Organizmni erkin radikallardan himoya qiladi.
- Yuz terisining yosharishiga hissa qo‘shadi.
Bodring
- «Yoshartiruvchi» sabzavot.
- Jigarni samarali tozalaydi.
- Ortiqcha suyuqlikni chiqarib tashlaydi.
- Shishlarni oladi.
- Yuz rangini yaxshilaydi – musaffolik beradi.
Tsitruslar
- S vitamini manbai.
- Tabiiy quvvat beruvchi.
- Vaznni kamaytirishda samarali ishlaydi.
- Organizmning virus va infeksiyalarga chidamliligini oshiradi.
Greypfrut
- Likopin manbai. Ushbu antioksidant modda o‘smalar rivojlanishidan himoya qiladi.
- Tarkibidagi pektin xolesterin darajasini kamaytirishda yordam beradi.
Yalpiz
- Yangi uzilgan va quritilgan holda qo‘llash mumkin.
- Qorin shishini oladi.
- Ruhiyatni tinchlantiradi.
- Uyquni tartibga soladi.
Zanjabil
- Xush qomat va immunitet do‘sti.
- Moddalar almashinuvini tezlashtiradi.
- Infeksiyalarga qarshi kurashadi.
Dolchin
- Ziravor shirinlik yeyish istagini yengishda yordam beradi.
- Xush iforga ega ziravor yog‘lar to‘planishini sekinlashtirib, to‘plangan zaxirani eritadi.
- Qon bosimini pasaytiradi.
Ko‘k choy
- Xush qomat ichimligi.
- Zararli narsa yeyish istagini kamaytiradi.
- Qondagi qand miqdorini kamaytiradi.
- Moddalar almashinuvini tezlashtiradi.
Ko‘pincha detoks-ichimliklar retseptida kashnich, ismaloq, kayyen garmdorisi, olmali sirkadan foydalaniladi. Har qanday meva detoks-suvni tayyorlash uchun a'lo darajada mos keladi.
Yodingizda bo‘lsin – umuman shakar qo‘shilmaydi.
