Sevilya — yorqin va rang-barang ispan shahri. U hech bir kishini befarq qoldirmaydi. Sevilya flamenko raqsiga o‘xshaydi, tashrif buyurganlarda yoqimli xotiralarni qoldiradi. Bu yerda nima bilan shug‘ullanish mumkin? facte.ru Sevilyadagi hordiqning o‘ziga xos jihatlari bilan o‘rtoqlashadi.
An'ana va bayramlar
Har yili shaharda Aprel yarmarkasi o‘tkaziladi. Bu mahalliy xilma-xillikni his etish uchun eng qulay vaqt. Festivalni paradlar ochib beradi, chavandozlar an'anaviy kiyimlarni kiyishadi. Roppa-rosa kun yarmida muhim hodisa – korrida boshlanadi.
Arxitektura
Sevilyada rim, ispan va arab madaniyati aralashmasini kuzatish mumkin. Bunday birikma shahar arxitekturasida ham o‘z aksini topgan Eski hududlar tor, bir-biriga tutashgan ko‘chalar o‘rab olingan. U yerda oddiy uylar va qadimiy rim inshootlariga taalluqli saroylar ham bor.
Sevilya yodgorliklari Gvadalkvivir daryosining chap qirg‘og‘idagi qadimiy mavzelarda joylashgan.
Gastronomiya
Sevilyaning ko‘p asrlik tarixi nafaqat shahar arxitekturasi va shahar tuzilishi, balki mahalliy oshxonasida ham o‘z aksini topgan. Andaluz oshxonasi mehmonlarni taomlarning xilma-xilligi bilan lol qoldiradi.
Yozning jazirama kunlarida gaspacho sho‘rvasi ayni muddao. Aynan Sevilya bu taomning vatani sanaladi. An'anaviy turidan tashqari bu yerda gaspachoning xilma-xil ko‘rinishlari tayyorlanadi. Masalan, tuxumli salmorexo.
Yana bir mashhur taom – xamon. Bu taom uchun Ispaniyaga butun dunyodan ishqibozlar tashrif buyurishadi.
Sevilyaning milliy taomi flamandcha tuxum hisoblanadi
Ispaniyada mashhur ichimlik – sangriya. Ichimlik litrli ko‘zalarda meva bo‘laklari bilan tortiladi.