Ukrainaning saylangan prezidenti Vladimir Zelenskiy o‘z inauguratsiyasi munosabati bilan Kiyev aholisiga tug‘dirilishi mumkin bo‘lgan noqulayliklar uchun oldindan uzr so‘radi. Tegishli video Zelenskiyning Instagram’dagi sahifasida joylashtirilgan.
Bo‘lg‘usi prezidentning aytishicha, u Kiyev aholisiga noqulayliklar yaratmaslik uchun inauguratsiyasini 19 may – yakshanba kuni o‘tkazishni taklif qilgandi. Biroq mamlakat parlamenti – oliy rada marosim 20 may – dushanba kuni o‘tkazilishiga ovoz bergan.
“Kechiring, iltimos, hammamizni, oliy radani kechiring. Rada sizga noqulayliklar yaratdi, va'da beraman, biz ham ularga noqulayliklar yaratamiz”, deb aytgan Zelenskiy o‘z videomurojaatida.