Сўров: аксарият европаликлар Евроиттифоқ яқин 20 йил ичида парчаланиб кетади деган фикрда

Жаҳон 17:00 / 16.05.2019 5260

Европаликларнинг ярмидан кўпроғи таркибида 28 мамлакат бўлган Евроиттифоқ яқин 20 йил ичида парчаланиб кетади деган фикрда. Бу YouGov халқаро социологик хизмати ўтказган сўровда маълум бўлди, деб ёзади The Guardian газетаси.

Халқаро муносабатлар бўйича Европа кенгаши аналитик маркази буюртмасига биноан ўтказилган сўровда Франция, Германия, Бельгия, Италия, Нидерландия, Австрия, Словакия, Руминия, Греция, Чехия ва Польшада яшовчиларнинг 50%дан ортиғи ЕИнинг парчаланиши яқин 10-20 йил ичида "ҳақиқатга айланиши" мумкинлигини айтган.

Тадқиқот натижаларига кўра, Францияда респондентларнинг 58%и, Словакияда 66%и ана шундай фикрда. Фақат уч мамлакат - Швеция, Дания ва Испанияда бу фикрда бўлганлар озчиликни – мос равишда 44, 41 ва 40%ни ташкил қилади.

Сўровда қатнашганларнинг учдан бир қисми эса келажакда ЕИ аъзолари ўртасида қуролли низолар бўлиши мумкинлигини истисно этмаган.

Кўпроқ янгиликлар