Президент Андижонга йўл олди

Ўзбекистон 10:20 / 16.05.2019 32241

Ўзбекистон Республикаси Президенти Шавкат Мирзиёев ҳудудлар иқтисодиёти, аҳоли ҳаёти билан яқиндан танишиш мақсадида 16 май куни Андижон вилоятига жўнаб кетди. 

Ташриф чоғида аввал берилган топшириқлар ижроси, шаҳар ва туманларда амалга оширилаётган бунёдкорлик ишларини кўздан кечириш, янги мақсад ва вазифаларни белгилаш режалаштирилган.

Kun.uz мухбири хабар беришича, президент вилоятга ташрифи давомида – Қўрғонтепа ва Хонобод туманларида бўлиб, иқтисодиёт ва қишлоқ хўжалигидаги лойиҳалар билан танишади. 

Бундан ташқари, президент Андижон шаҳридаги Муҳаммад Юсуф ижод мактаби ҳамда иқтисодий ҳудуддаги корхоналарда бўлиши кутилмоқда. 

Айни пайтда вилоятда ташрифга катта тайёргарлик ишлари кетмоқда.

Кўпроқ янгиликлар