Ўзбекистон делегацияси Душанбе шаҳрида бўладиган тадбирларда иштирок этади, деб хабар қилмоқда Ташқи ишлар вазирлиги.

Қайд этилишича, Ўзбекистон Республикаси ташқи ишлар вазири Абдулазиз Комилов бошчилигидаги делегация 2019 йилнинг 17-18 май кунлари Душанбе шаҳрига ташриф буюради.

Делегация у ерда «Терроризм ва уни молиялаштириш асослари, хусусан наркотикларнинг ноқонуний айланиши ва уюшган жиноятчиликка қарши курашда халқаро ва минтақавий ҳамкорлик» мавзусидаги юқори даражали конференцияда ва «Марказий Осиё – Япония» мулоқоти ташқи ишлар вазирларининг 7-мажлисида иштирок этади.

Душанбе шаҳрида мазкур тадбирларда иштирок этаётган делегациялар раҳбарлари билан қатор икки томонлама учрашувлар ўтказиш ҳам режалаштирилган, дейилади хабарда.