Танзила Норбоева ШҲТ Иккинчи аёллар форумида мамлакат ривожида аёлларнинг роли ҳақида сўзлади

Ўзбекистон 23:37 / 15.05.2019 3901

Ўзбекистон Республикаси Бош вазири ўринбосари Танзила Норбаева Бишкек шаҳрида ўтаётган Шанхай ҳамкорлик ташкилоти (ШҲТ)нинг II Аёллар форумида иштирок этмоқда. Ўзбекистон Хотин-қизлар қўмитаси матбуот хизмати Kun.uz'га шу ҳақида хабар берди.

15-16 май кунлари Бишкекда ўтказилаётган мазкур форум беш сессиядан иборат бўлиб, унда минтақалараро ҳамкорликнинг гендер масалалари, аёлларнинг инклюзив ва барқарор ривожланишидаги роли, ШҲТ фаолияти ривожида хотин-қизларнинг ролини яхшилаш, таълим ва соғлиқни сақлаш тизимига инвестициялар жалб қилиш каби масалалар муҳокама қилинмоқда.

Фото: Хотин-қизлар қўмитаси матбуот хизмати

15 май куни Танзила Норбоева форумда маъруза билан иштирок этди, унда юқоридаги масалалар бўйича  Ўзбекистонда яратилаётган имкониятлар, амалга оширилаётган кенг кўламли чора-тадбирлар ҳамда қонунчиликка киритилаётган ўзгаришлар ҳақида сўз борди.

Шунингдек, Бош вазир ўринбосари мазкур форумни ўтказаётганлиги учун Қирғизистон томонга миннатдорчилик изҳор этар экан, Ўзбекистон ШҲТ доирасида унга аъзо давлатларнинг аёллар ташкилотлари билан яқиндан ҳамкорликни давом эттиришга тайёр эканини маълум қилди. 

Фото: Хотин-қизлар қўмитаси матбуот хизмати

Форумнинг иккинчи кунида Шанхай ҳамкорлик ташкилотига аъзо мамлакатларнинг иккинчи аёллар форуми ҳамда оналар кунига бағишланган “Аждодлар мероси”  амалий санъат республика ярмаркасининг очилиш маросими бўлиб ўтади.

Кўпроқ янгиликлар