Keshyu yig‘ib olish mashaqqatlari: Hindiston aholisi barchaga sevimli yong‘oqni og‘ir mehnat evaziga olishadi

Light 12:18 / 04.05.2019 27633

Keshyu — mashhur va ko‘pchilik tomonidan sevib iste'mol qilinadigan mahsulot. Yana bir kam tarqalgan nomi – hind yong‘og‘i. Keshyuning vatani Braziliya hisoblanadi, biroq keyinchalik mahsulot Hindiston, Afrika, Indoneziya, Vetnam va boshqa davlatlarga olib kelingan. Bugungi kunda yong‘oq hatto Ozarbayjon va Eronda ham yetishtiriladi. Vetnam, Nigeriya va Hindiston eng yirik yetkazib beruvchilardan sanaladi. Ana shu ro‘yxatdagi mamlakatlardan eng so‘nggisiga virtual sayohatni amalga oshiramiz va aholi plantatsiyalarda qanday mehnat qilishini o‘z ko‘zimiz bilan ko‘ramiz.

Keshyu qanday ko‘rinishda ekanini hamma biladi, biroq u qanday o‘sishi va uni yig‘ib olish jarayoni haqida barcha ham yetarli ma'lumotga ega emas. Bu yong‘oq baland daraxtda o‘sadi va nokni esga soluvchi meva bandiga ega.

Mag‘izning o‘zi qattiq po‘choq ostida bo‘ladi. Uni dastlab chaqish kerak. Biroq u juda zaharli, chunki tarkibida anakard kislotasi va kardol kabi moddalar bor. Teriga tekkanida kuchli kuyish izlarini qoldiradi.

Hindistonda keshyuga ishlov berish fermalaridagi ishchilar soni 500 ming kishiga yetadi. Odatda ular 13 dan boshlab 50 yoshdan oshgan ayollardan iborat.

Bu yerda hech qanday mashina va avtomatlashtirilgan konveyerlar yo‘q. To‘liq qo‘l mehnatiga asoslangan. Biroq ishchilarning maoshi katta emas va ular tomonidan tozalangan yong‘oqning vazniga bog‘liq. Yanada ko‘proq o‘lchamni amalga oshirish uchun ayollar ko‘pincha noqulay qo‘lqoplardan voz kechishadi va zaharli mevalarga qo‘lda ishlov berishadi. Keshyuning qalin po‘sti maxsus asbob yoki pichoq, ayrim hollarda esa oddiy tosh bilan ochiladi.

Ko‘proq yangiliklar: