Avstraliyaning Darvin shahridan 40 km olisda joylashgan milliy bog‘lardan birida uzunligi 40 smlik uch ko‘zli ilon topildi.
Northern Territory Parks and Wildlife nashrining xabar berishicha, antiqa ilon rentgen qilinganda, u ikkita chatishib ketgan boshga emas, bitta boshga egaligini ko‘rsatgan. Uning bosh chanog‘ida qo‘shimcha ko‘z kosasi borligi ma'lum bo‘lgan. Ta'kidlanishicha, ilonning uchinchi ko‘zi qolgan ikki ko‘zi kabi yaxshi ko‘radi.
Ilon embrional bosqichida shunday rivojlangan bo‘lishi mumkinligi taxmin qilingan.