Қонун лойиҳаси: қандай ер участкалари хусусийлаштириш объектлари ҳисобланади?

Ўзбекистон 08:53 / 24.04.2019 13014

2019 йилнинг 23 апрель куни Ўзбекистон Республикаси Олий Мажлиси Қонунчилик палатаси депутатлари томонидан “Қишлоқ хўжалигига мўлжалланмаган ер участкаларини хусусийлаштириш тўғрисида”ги Ўзбекистон Республикаси Қонуни лойиҳаси кўриб чиқилди ва биринчи ўқишда қабул қилинди.

“Юксалиш” умуммиллий ҳаракати матбуот хизмати хабарига кўра, ҳужжат лойиҳаси билан қуйидагилар хусусийлаштириш объектлари ҳисобланади:

юридик шахсларга хусусийлаштириладиган ёки уларга мулк ҳуқуқи асосида тегишли бўлган бино ва иншоотлар, саноат инфратузилмаси объектлари ер участкаларида жойлашган, шунингдек, уларга туташ ва ишлаб чиқариш фаолиятини амалга ошириш учун зарур миқдордаги ер участкалари;

Ўзбекистон Республикаси фуқароларига якка тартибдаги уй-жой қуриш ва турар-жойига хизмат кўрсатиш учун бериладиган ер участкалари;

бўш турган ер участкалари;

Ўзбекистон Республикаси Иқтисодиёт ва саноат вазирлиги қошидаги Урбанизацияни ривожлантириш жамғармасига белгиланган тартибда тақдим этилган ер участкалари.

Кўпроқ янгиликлар