Muayyan yashash joyiga ega bo‘lmagan shaxslar uchun ijtimoiy qo‘llab quvvatlash markazlari tashkil etiladi

O‘zbekiston 10:50 / 24.04.2019 3022

Normativ-huquqiy hujjatlar loyihalari muhokamasi portalida Vazirlar Mahkamasining “Muayyan yashash joyiga ega bo‘lmagan shaxslarni ijtimoiy qo‘llab quvvatlash tizimini takomillashtirishga doir qo‘shimcha chora-tadbirlar to‘g‘risida”gi qarori loyihasi joylashtirildi.

Hujjat bilan O‘zbekiston Respublikasi Ichki ishlar vazirligi va Sog‘liqni saqlash vazirligining muayyan yashash joyiga ega bo‘lmagan shaxslar uchun ijtimoiy qo‘llab quvvatlash markazlarini tashkil etish to‘g‘risidagi taklifi ma'qullanishi mumkin.

Belgilanishicha, Markaz O‘zbekiston Respublikasi Sog‘liqni saqlash vazirligi huzuridagi Tibbiy-ijtimoiy xizmatlar agentligining tarkibiy tuzilmasi hisoblanadi.

Markazning asosiy vazifalari etib quyidagilar belgilanadi:

boshpanasiz shaxslarning tungi paytlarda vaqtincha yotib qolishlari uchun sharoitlar yaratish;

boshpanasiz shaxslarga beg‘araz ijtimoiy yordam ko‘rsatish;

normal hayotga qaytish istagini bildirgan boshpanasiz shaxslarni kasbga tayyorlash orqali ularning bandligini ta'minlash.

Markaz faoliyatini moliyalashtirish manbalari etib quyidagilar belgilanadi:

Qoraqalpog‘iston Respublikasi budjeti, viloyatlar va Toshkent shahar mahalliy budjet mablag‘lari;

jismoniy va yuridik shaxslarning homiylik xayriyalari;

qonun hujjatlarida taqiqlanmagan boshqa manbalar.

Ko‘proq yangiliklar: