Молия вазирлиги Олий таълим вазирлигига 2 млн доллар эквиваленти миқдорида маблағ ажратади

Ўзбекистон 15:10 / 23.04.2019 3121

Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Тошкент шаҳрида Ажу университетини ташкил этиш бўйича қўшимча чора-тадбирлар тўғрисида”ги қарори лойиҳаси жойлаштирилди.

Ҳужжатда қайд этилишича, Ўзбекистон Республикаси Олий ва ўрта махсус таълим вазирлиги ва Ажу университети (Корея Республикаси) ўртасида Ажу университети таълим дастурларини жорий қилиш тўғрисида Келишув лойиҳаси ишлаб чиқилган.

Ўзбекистон Республикаси Молия вазирлиги Вазирлар Маҳкамасининг захира жамғармаси маблағлари ҳисобидан Тошкент шаҳрида Ажу университетини ташкил этишда Ажу университети (Корея Республикаси)га дастлабки консультация ишларини бажариши учун тўловни амалга ошириш мақсадида Олий ва ўрта махсус таълим вазирлигига 2,1 млн. АҚШ доллари эквиваленти миқдорида конвертация харажатларини инобатга олган ҳолда Ўзбекистон Республикаси Марказий банк курси бўйича маблағ ажратади.

Ўзбекистон Республикаси Олий ва ўрта махсус таълим вазирлиги Ажу университети (Корея Республикаси) билан имзоланган таълим дастурларини жорий қилиш тўғрисидаги Келишувга асосан ҳамда улар томонидан тақдим этиладиган харажатлар режасига мувофиқ тўловни амалга оширади.

Ажу Университети (Корея Республикаси)га ўтказиб бериладиган 2,1 млн. АҚШ доллари эквиваленти миқдоридаги маблағ солиққа тортиш объекти эмаслиги белгилаб қўйилиши мумкин.

Кўпроқ янгиликлар