Буюк Британияда энг заиф пароллар маълум қилинди

Технология 17:01 / 23.04.2019 5231

Буюк Британиянинг Киберхавфсизлик миллий маркази (NCSC) тадқиқот ўтказди ва интернетда маълумотларни ҳимоя қилиш учун мамлакатдаги фойдаланувчилар томонидан қўлланилувчи энг заиф 100 мингта пароллар рўйхатини эълон қилди.

123456 комбинацияси энг ишончсиз бўлиб чиқди. 23 миллион британиялик ўз маълумотларини интернетда ҳимоя қилиш учун ундан фойдаланмоқда, дея ҳисоблайди мутахассислар. 123456789 комбинацияси бироз камроқ тарқалган, 7.7 миллион фойдаланувчи уни етарлича ишончли пароль деб билади. Qwerty комбинацияси 3,8 миллион фойдаланувчи томонидан ишлатилади ҳамда учинчи ўринни эгаллайди. Тўртинчи ўринда - 3,6 млн фойдаланувчи қўллайдиган password (пароль) сўзи. Етакчи бешликка еттита бир сонидан иборат комбинация якун ясаб берди - 1111111 (3,1 миллион).

Бундан ташқари, фойдаланувчилар кўпинча пароль сифатида қуйидагиларни танлайди:

эркаклар ва аёллар исми, энг кенг тарқалган - Эшли, Майкл, Даниэль, Жессика ва Чарли;

футбол клублари номи, етакчи бешлик - «Ливерпуль», «Челси», «Арсенал», «Манчестер Юнайтед» ва «Эвертон».

мусиқий ижрочиларнинг ёки мусиқий гуруҳларнинг номи, blink182, 50cent, Эминем, Metallica ва Slipknot етакчилик қиляпти;

ўйлаб топилган персонажлар, кино ва адабиёт қаҳрамонлари - Супермен, Наруто, Тигра, покемон ва Бэтмен ҳамда бошқалар.

Кўпроқ янгиликлар