Ўзбекистонда алиментчи она фарзандлари учун 16 млн сўмдан ортиқ пул тўлади 

Жамият 12:59 / 19.04.2019 12905

Ўзбекистонда алиментчи она фарзандлари учун 16 млн сўмдан ортиқ пул тўлади, деб хабар бермоқда МИБ.

Н.Т. 3 нафар фарзанднинг онаси. Оиладаги келишмовчиликлар сабаб 2017 йилда турмуш ўртоғи билан ажрашган. Сўнг ишлаш учун Россия Федерациясига жўнаб кетган.

Шу йили фуқаролик ишлари бўйича Қашқадарё вилояти Яккабоғ туманлараро суди томонидан қарздор онадан ундирувчи собиқ турмуш ўртоғи Ў.М.нинг фойдасига уч нафар фарзандининг моддий таъминоти учун иккидан бир қисм миқдорида алимент ундириш тўғрисида суд буйруғи чиқарилди ва уни ижро қилиш учун Мажбурий ижро бюросининг Яккабоғ туман бўлимига юборилди.

Шундан сўнг, жорий йилнинг 15 апрель куни Мажбурий ижро бюроси ходимларининг ҳаракатлари натижасида, қарздор онадан (15.04.2017 йилдан - 2019 йилнинг шу даврига қадар) жами 16 млн сўм алимент қарздорлигини тўлиқ тўлаб берди. 

Пуллар ундирилгач, икки тараф ўзаро келишди ва ижро ҳужжати тамомланди, дейилади хабарда.

Кўпроқ янгиликлар