Она дод солади: Муштдек болам саратон билан олишмоқда!

Жамият 19:25 / 19.04.2019 7907

Беморлар... Мураккаб вазиятга тушганлар... Ёрдамга муҳтожлар... Уларнинг ҳар бирининг дарди ўзига хос, аммо ҳаммаси ҳам кўзларини жавдиратиб нажот излайди, Сиз-у биздан кўмак кутади.

Хайрия илинжида таҳририятимизга ташриф буюрган она – Нилуфар Ҳамроеванинг кўзи ҳамиша ёшга тўлиб тургандек тасаввур уйғонади. Уни тушунмаслик барча эзгуликларга тескари қарашдек туюлади. Ахир онанинг икки фарзанди оғир бемор, каттаси юрак порогидан азият чекаётгани етмагандек 5 ёшли ўғли Мақсудбек Абдурашидов ҳам жуда мураккаб касаллик, саратоннинг оғир тури – нохожкин лимфомасига чалиниб қолган.

Видео: Mover (tas-ix)

Видео: Youtube

– Турмуш ўртоғим оддий ишчи, кундалик ишларда ёлланиб пул топади. Даромади рўзғоримизга амал-тақал қилиб етади, болаларимиз ҳали ёш, мен ўғлимдан ажрала олмайман. Мақсудбекнинг саратонга чалинганини эшитганимда дунё кўзимга қоронғи бўлди. Ҳеч кимнинг бошига бу кунларни солмасин, ҳеч кимнинг боласи касал бўлмасин...

Муштдек боланинг бундай касал билан оғриганини кўтариш қийин бўларкан. Фарзандим оғриқдан инграганида юрагим парча-парча бўлиб кетади. Бир марта оғир операция ўтказдик, узлуксиз химиотерапиялар олаяпмиз. Ҳамиша дори-дармонга харажат қилиб, даволаниш учун пойтахт ва Қашқадарё ўртасида қатнайвериб бор-будимизни сарфлаб тугатдик, қарзга ҳам кириб кетдик. Бирор томондан нажот қолмаганидан кейин Аллоҳга таваккал қилиб яхшилардан кўмак сўрашга мажбур бўлдик.

Эндигина 33 га кирдим, лекин ўзимни ўйлашни унутиб бўлганман. Икки боламнинг, айниқса оғир дард, шишлар ва оғриқлардан азоб чекаётган ўғлим Мақсудбекнинг дардига даво топсак, дунёда мендан бахтли одам бўлмайди. Ишонаман, ўғлим ҳам соғайиб кетиб улғайса, ўзига кўмак берганлар каби саховатли инсон бўлиб етишади.

Саховатни юртдошларимиз, айнан Сизлар қиласизлар. Бу ўринда сайтимиз хайрия акциясини уюштирувчи холос. Умид билан келганлар Яратганнинг қудрати, шифокорларимиз саъй-ҳаракатлари ва сизнинг ҳимматингиз билангина мақсадларига эришадилар.

Беш ёшида тоғ қадар дардни ортмоқлаб олган Мақсудбекка кўмак берайлик. Унинг мунгли кўзларида қувонч ярақласин, ўртоқлари каби болалик неъматларидан баҳра олсин, шу ўғлон ҳам ўссин-улғайсин...

Мақсудбекка кўмак бериш истагида бўлганлар учун маълумотлар:

ОНАСИ НИЛУФАР ҲАМРОЕВА телефон рақами: (97) 318-98-66, (97) 318-48-28

Нилуфар Ҳамроева номига очилган пластик карточка:

Click/PayMe: 8600 0417 7044 9388 (Агробанк)

МФО: 00394

ИНН: 201200124

Мижоз аризасига асосан картадан картага пул ўтказилганда: 23118000400000394001

Бошқа ташкилотлардан келиб тушган маблағлар транзити: 23120000900000394001

Мижоз аризасига нақд пул топширилганда: 23116000600000394001

Аброр Зоҳидов тайёрлади,
тасвирчи Шерзодбек Эгамбердиев.

 

Кўпроқ янгиликлар