Ҳозирда жамиятимизнинг ҳар бир соҳасида аҳоли турмуш тарзини яхшилашга йўналтирилган глобал янгиланишлар содир бўлмоқда.
Республика раҳбарияти томонидан хусусий тадбиркорлик вакилларини қўллаб-қувватлаш учун алоҳида эътибор қаратилмоқда, бизнес ва унинг ривожи учун қулай шарт-шароитлар яратилмоқда.
Яратилган имкониятларга мувофиқ, «Grand Pharm Trade» компанияси Мактабгача таълим вазирлиги кўмаги остида юртимиздаги ақлий ривожланишида камчилиги бўлган болалар боғчасидан бирининг шароитларини яхшилашда ўз ҳиссасини қўшишга қарор қилди.
Тошкент шаҳри Яккасарой туманида жойлашган №369 сонли ихтисослашган «Nurli Kelajak» мактабгача таълим муассасасининг қайта таъмирлаш ишлари 2018 йил сентябрь ойида бошланиб, жорий йилнинг апрелида ўз ниҳоясига етди. 15 апрель куни эса махсус эътиборга муҳтож болалар учун боғчанинг очилиш маросими бўлиб ўтди.
Капитал таъмирлаш ишларидан сўнг белгиланган объект ҳудуди бутунлай ўзгарди ва янги қиёфага эга бўлди (ФОТО)
Муассаса ҳудуди кўкаламзорлаштирилди, ёндош ва ички ҳудудга асфальт ётқизилди. Бино эса тўлиқ таъмирланди ва болалар майдончалари ҳамда ўриндиқлар ўрнатилди. Барча иситиш тизимлари янгиланди ва Европанинг энг замонавий энергия тежовчи қурилмаси ўрнатилган автоном қозонхона ишга туширилди.
Шунингдек, барча мебеллар, ётоқхона жиҳозлари ва ошхона буюмлари янгиланди. Бинонинг биринчи қаватидаги барча хоналар руҳий ривожланиши кечиккан болалар учун мўлжалланган бўлиб, бу ерда ақлни чархлайдиган замонавий ўйинчоқлар жойлаштирилди. Улар болаларнинг ривожланишидаги қийинчиликларни енгишга ёрдам беради.
Қурилишда болалар учун хавфсиз бўлган экологик тоза материаллардан фойдаланилди. Мактабгача таълим муассасаси 280тагача болаларни қабул қилиши мумкин. Мазкур боғчада педагог руҳшунос, даволаш жараёнлари бўйича махсус тарбиячилардан тортиб тиббиёт ходимлари учун барча зарур шарт-шароитлар яратилган.
Болаларнинг хавфсизлигини таъминлаш мақсадида барча ҳудудда ва ҳар бир хона ичида замонавий кузатув камералари ўрнатилган.
Шуни қайд этиш лозимки, «Grand Pharm Trade» компаниясининг «Grand Pharm» ва «Best Pharm» дорихона тармоқларидан бир бора бўлса ҳам дори воситаларини харид қилган ҳар бир мижоз ўзини мазкур ижтимоий лойиҳанинг тўлақонли иштирокчиси деб ҳисоблаши мумкин.
Агарда кимдир ижтимоий лойиҳаларимизнинг қатнашчисига айланишни истаса, бизнинг дорихона тармоқларимизни танлаши, шу билан бирга энг яхши ва ҳамёнбоп дори воситаларини сотиб олиши мумкин.
Реклама ҳуқуқи асосида
