Rossiya Federatsiyasining Astraxan shahridagi Tibbiyot universitetida “Tibbiyotda shoshilinch holatlar” mavzuida xalqaro olimpiada o‘tkazildi.
Mazkur bilimlar bellashuvida Andijon Davlat tibbiyot instituti talabalari va o‘qituvchilaridan iborat jamoa ham ishtirok etdi.
Oliygohning “Bolalar jarrohligi va anesteziologiya-reanimatologiya” kafedrasi, “Davolash” fakulteti o‘qituvchi, magistrant va talabalari bilim, mahorat bobida o‘z kuchlarini namoyish qilib, ikkinchi o‘rinni qo‘lga kiritdilar.
O‘zbekistonlik yosh tibbiyotchilardan iborat jamoaning tibbiy tayyorgarligi hakamlar tomonidan yuksak darajada baholandi.
Elmurod Ermatov, Andijon
