Сакура — олхўрими ёки олча, японлар ҳосилни қачон йиғиб олишади?

Lifestyle 13:02 / 18.04.2019 8123

Япония ва Хитойда сакура гуллаганида бутун дунё бу мамлакатларда олинган суратлардан завқ олади. Бу ердаги бирорта боғни ушбу  дарахтсиз тасаввур этиб бўлмайди. Сайёҳлар мўъжизани томоша қилиш, профессионал фотографлар эса энг яхши кадрларни олиш учун мазкур мамлакатларга саёҳатни атайлаб баҳор ойларига режалаштиришади. Бу каби гўзал манзарани кўрганда тасаввурингизда дарахтнинг ёздаги ҳосили гавдаланади. Бироқ бу дарахт ўзи нима: олчами, балки олхўридир? Нима учун ҳосил йиғиб олиниши ҳақидаги хабарларни эшитмаймиз? Ахир бу каби қийғос гуллаган дарахтда мевалар ҳам пишиши керак-ку.

Аслида сакура бир турдаги муайян ўсимлик эмас, эрта гуллайдиган буталар ва олхўридошлар оиласига мансуб, баланд ўсмайдиган дарахтлар гуруҳидир. Мисол учун Токиодаги Синдзюку-гёэн боғида сакуранинг 75 та туридан тўпланган. Бу буталар баҳорнинг бошида гуллайди, у сеҳрли булутни ёдга солади. Сакура оқ рангдан тортиб, оч пушти рангда гуллайди. Бироқ сакура дейилганида кўпинча олча дарахти тушунилади. Ёввойи ҳолатда бу беозор дарахт Япон архипелаги, шунингдек материкда – Хитой ҳамда Корея яриморолида учрайди. Ёқимли иқлим шароитларида бу олча дарахт ўлчамларигача, 20 метрдан ортиқ баландликкача ўсади. Бироқ декоратив мақсадларда фойдаланиладиган турларига доимий равишда шакл бериб турилади.

Ҳозирги кунда бу ўсимлик культивация қилинади ва уни исталган хитой ва япон боғларида учратиш мумкин. Японияда гуллаган сакурани томоша қилиш анъанасини англатувчи алоҳида сўз ҳам мавжуд. Бу анъана йўқолмайди – мамлакатдаги миллионлаб японлар шаҳар кўчалари ва боғларга чиқиб, табиатнинг ушбу мўъжизасидан баҳра олишади.

Бундан ташқари, мамлакатнинг ҳар бир аҳолиси сакура гуллашини томоша қилишини олдиндан режалаштириши учун Японияда метеорологик хизмат томонидан турли префектураларда сакуранинг гуллаш муддатлари прогнози берилади. Бироқ энг ҳайратланарли жиҳати асосий метеорологик постлар ёнида албатта сакура дарахти ўсади, унга қараб иқлимшунослар гуллашнинг прогноз хариталарини тузишади.

Аммо сакуранинг кўплаб турлари, жумладан кенг тарқалган майда олча ҳам еб бўлмайдиган меваларга эга, унинг катта қисми данакдан иборат. Айнан шу сабабли сакура мевалари асосан қушлар томонидан истеъмол қилинади, одамлар эса унинг мафтункор гуллаш жараёнидан баҳра олишади.

Кўпроқ янгиликлар