АПЛ футболчилари ижтимоий тармоқларни 1 кунга тарк этишади

Спорт 23:40 / 18.04.2019 5764

Англия ва Уэльс футболчилари Профессионал Футболчилар Уюшмасининг (PFA) ирқчиликка қарши кураш доирасидаги тадбирига қўшиладилар.

АПЛ, чемпионшип ва бошқа лигаларда иштирок этадиган ўйинчилар 1 кун давомида ижтимоий тармоқлардан воз кечадилар. Акция 19-20 апрель кунлари ўтказилади.

Бойкотнинг мақсади футбол майдонлари ва унинг ташқарисидаги ирқчиликка оид ҳаракатларга нисбатан норозилик билдириш ва ижтимоий тармоқлар орқали бунга қарши фаол курашишдир.

Акцияда «Манчестер Юнайтед» ҳимоячиси Крис Смоллинг, «Тоттенҳэм» ҳимоячиси Дэнни Роуз, «Уотфорд» ҳужумчиси Трой Дини, «Лестер» ҳимоячиси Уэс Морган, «Уиком» ҳужумчиси Адебайо Акинфенва ва «Арсенал» аёллар жамоаси ҳужумчиси Даниэль Картер фаол иштирок этадилар.

Кўпроқ янгиликлар