Jahon | 07:43 / 17.04.2019
9451
1 daqiqa o‘qiladi

Venesuelada 60 ga yaqin mahbus turmadan qochib ketdi

Foto: Global Look Press/ZUMA

Venesuelaning Nueva-Esparta shtatidagi turmadan mahbuslarning ommaviy qochishi oqibatida bir kishi halok bo‘ldi, 2 kishi jarohat oldi.

Noticias Venezuela portalining xabar berishicha, taxminan 60 mahbus sovuq qurol bilan 2 soqchiga hujum qilgan. Ikkala soqchi ham jarohat olib, shifoxonaga yetkazilgan. Dastlabki ma'lumotlarga ko‘ra, mahbuslardan biri o‘ldirilgan.

Qochoqlar soqchilar xonasidagi qurolni qo‘lga kiritib, ozodlikka chiqishga muvaffaq bo‘lishgan. Hozirda turma atrofidagi hududda qochoqlarni qidirish ishlari olib borilmoqda.

Mavzuga oid