Педагогларни аттестациядан ўтказиш тўғрисидаги низомга ўзгартириш ва қўшимча киритилади

Ўзбекистон 14:51 / 17.04.2019 8840

Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрларини аттестациядан ўтказиш тартиби тўғрисидаги низомга ўзгартириш ва қўшимча киритиш ҳақида”ги қарори лойиҳаси жойлаштирилди.

Ҳужжатга кўра, Ўзбекистон Республикаси Вазирлар Маҳкамасининг 2016 йил 7 апрелдаги 107-сон қарори билан тасдиқланган Мактабгача, умумий ўрта, ўрта махсус, касб-ҳунар ва мактабдан ташқари давлат таълим муассасалари педагог кадрларини аттестациядан ўтказиш тартиби тўғрисидаги низомнинг:

а) 36-1-банднинг биринчи хатбоши қуйидаги таҳрирда баён қилиниши мумкин:

“36-1. Биринчи ва олий малака тоифали, етакчи ва бош ўқитувчи лавозимидаги ҳамда мазкур малака тоифалари ва лавозимларга талабгор педагог кадрларни аттестациядан ўтказганлик учун энг кам ойлик иш ҳақининг 100 фоизи, иккинчи малака тоифали ҳамда ушбу малака тоифасига талабгор педагог кадрларни аттестациядан ўтказганлик учун энг кам ойлик иш ҳақининг 50 фоизи миқдорида йиғим ундирилади.”

б) 36-1-банднинг иккинчи хат боши чиқариб ташланади.

в) 38-бандга қуйидаги мазмундаги иккинчи хатбоши қўшилади:

“Педагог кадрларга умумий ўрта таълими муассасаларида мазкур малака тоифасига талабгорларга малака тоифасини беришда тўланадиган йиғимлардан тушадиган маблағнинг 100 фоизи Халқ таълими вазирлиги ҳузуридаги Халқ таълими соҳасидаги ислоҳотларга кўмаклашиш жамғармасига йўналтирилади.”.

Кўпроқ янгиликлар