Amerikaning Foreign Policy jurnali sharhlovchisi Zanti Sharff fikricha, yadroviy sohada band bo‘lgan ayollar sonini ko‘paytirish global yadroviy urush xavfini kamaytirishi mumkin.

Sharff o‘z maqolasida 2006 yilda London Qirollik jamiyati tomonidan o‘tkazilgan tadqiqotga tayangan. Unda harbiy ziddiyat sharoitida erkaklar va ayollarning xatti-harakatlari modellashtirilgan. Ekspertlarning xulosasiga ko‘ra, erkaklar o‘ziga ko‘proq ishonadi, bu esa yadro zarbasiga sabab bo‘lishi mumkin, deb yozadi FP sharhlovchisi.

Muallifning qayd etishicha, hozirgi vaqtda yadro qurolini tarqatmaslik bo‘yicha xalqaro muzokaralarda delegatsiyalarning faqatgina to‘rtdan bir qismini ayollar tashkil etadi, ayrim mamlakatlar esa faqat erkaklarni yubormoqda.