Turkiya Rossiyaning S-400 zenit-raketa majmuasi yordamida poytaxt Anqara va mamlakatdagi eng yirik shahar – Istanbulni himoyalaydi. Bu haqda Turkiya mudofaa vaziri Hulusi Akar ma'lum qildi.
“Ehtimol, Anqara va Istanbul himoyasi S-400 majmuasi uchun bosh vazifalar bo‘ladi”, deb aytgan vazir. Uning ta'kidlashicha, Turkiya tegishli tahdidlar sababli Rossiyadan ushbu tizimlarni xarid qilishga majbur bo‘lgan. Akar S-400 majmualari va AQShning F-35 qiruvchi samolyotlarini bir-biri bilan bog‘lash noto‘g‘ri qaror bo‘lganini qo‘shimcha qilgan.