АҚШ Польшада 6 минглик қўшимча қўшин жойлаштиришни режалаштирмоқда 

Жаҳон 00:40 / 16.04.2019 7914

АҚШ Польшада 6 минглик қўшимча қўшин жойлаштиришни режалаштирмоқда. Бу ҳақда Польша радиоси “Посполит нутқи” нашрига иқтибос келтирган ҳолда хабар берди. 

Нашр маълумотларига кўра, АҚШнинг Польшадаги кучларини кучайтириш ҳақидаги келишув АҚШ президенти Дональд Трампнинг Иккинчи жаҳон уруши бошланишининг 80 йиллиги муносабати билан Польшага эҳтимолий ташрифи вақтида эълон қилиниши мумкин. Ушбу сана муносабати билан ўтказиладиган тадбир 1 сентябрга белгиланган.

Маълум қилинишича, Пентагонда Польшадаги кучларни мустаҳкамлаш борасида аниқ қараш бор. АҚШ Польшада “Форт Трамп” каби маълум бўлган “супербаза”ни ташкил этиш ўрнига ўз қўшинларини бутун мамлакат бўйлаб жойлаштиришни режалаштирмоқда.   

АҚШ, шунингдек, Россия чегараси яқинидаги Ожиш шаҳрида жойлашган НАТО батальонини бошқариш вазифасини зиммасига олиши мумкин. 

Шунингдек, режаларда АҚШнинг глобал ракеталарга қарши мудофаасининг Европа сегменти тизимларини қўриқлаш учун кучларни Польша шимолидаги Редзиково шаҳрида жойлаштириш бор.

Агар бу режалар амалга ошса, Польша АҚШ қўшини катталиги бўйича Европада Германия, Италия ва Британиядан кейинги ўринни эгаллайди.

Айни вақтда Польшада АҚШнинг 4 мингга яқин ҳарбийдан иборат танк бригадаси жойлашган.

2018 йилда Польша президенти Анжей Дуда АҚШдан Польшада доимий ҳарбий базани жойлаштириш ва уни Дональд Трамп шарафига “Форт Трамп” деб аташни илтимос қилган. Дуданинг айтишича, бундай база ташкил этилиши масаласи ҳал бўлган ва масаланинг фақат техник жиҳатлари қолган.

Кўпроқ янгиликлар