Порошенко дебат ўтказиш учун стадионга келди, Зеленский эса келмади

Жаҳон 16:37 / 14.04.2019 16265

Украина президентлигига номзод, амалдаги давлат раҳбари Петро Порошенко Владимир Зеленский билан дебат қилиш учун "Олимпийский" мажмуасига келди.

Айни пайтда "Прямой" телеканали Порошенконинг стадиондаги чиқишини бевосита эфир орқали намойиш этмоқда.

Стадионда дебат ўтказиш сайловларнинг биринчи турида ғолиб бўлиб иккинчи турга ўтган номзод Владимир Зеленский томонидан таклиф этилганди. Аммо Зеленский дебатга келмади. 

Украина президентлиги сайловларининг биринчи турида Владимир Зеленский 30 фоиздан ортиқроқ овоз тўплаб, биринчи ўринни қўлга киритди. Амалдаги президент Петро Порошенко 16 фоиз атрофидаги овоз билан эгаллади. Икки номзод энди 21 апрель куни ўтказиладиган иккинчи турда ўзаро кураш олиб боради.

Кўпроқ янгиликлар