«Kun.uz» saytida joriy yilning 27 mart kuni «Xatirchida ko‘prikning abgor ahvolidan aholi aziyat chekmoqda. Muammoni kim hal qiladi?» sarlavhali tanqidiy maqola e’lon qilingan edi.

Shundan so‘ng ushbu tanqidiy maqolaga Navoiy viloyati avtomobil yo‘llari hududiy bosh boshqarmasi o‘z munosabatini bildirib, tahririyatga ma’lumot bergandi. Ushbu ma’lumot asosida 11 aprel kuni saytimizda «Mutasaddilar Xatirchidagi ko‘prik bo‘yicha tanqidiy maqolaga munosabat bildirishdi. Bu navbatdagi bajarilmas va’dami?» sarlavhasi ostida maqola berildi.

Navoiy viloyati hokimligi matbuot xizmatining «Kun.uz»ga ma’lum qilishicha, ayni vaqtda Xatirchi tumani «Guliston» mahallasidagi tuman markazi bilan bog‘laydigan yaroqsiz holatdagi ko‘prikni qayta qurish ishlari boshlangan.

Bardoshbek SAMAD o‘g‘li,
«Kun.uz» muxbiri.