«Реал» Бэйлни трансферга қўядиган бўлди, у баъзи жамоадошлари билан келиша олмай қолган

Спорт 13:10 / 10.04.2019 8101

«Реал» ёзги трансфер ойнасида ҳужумчи Гарет Бэйл билан хайрлашиши кутилмоқда.

AS`нинг хабар беришича, уэльслик футболчининг бошқа клубга ўтмай қолишига унинг ўзи ва клубнинг молиявий талаблари сабаб бўлиши мумкин. Бэйлнинг ўзи кейинги мавсумни ҳам Мадридда ўтказишга қарши эмас, аммо у клубнинг режаларидан хабардор. Шундай бўлса-да, ҳозиргача «Реал»да Бэйл борасида аниқ таклифлар мавжуд эмас.

Қайд этилишича, Гарет мухлислар, журналистлар ва баъзи жамоадошларининг ишончини йўқотиб қўйган. Жумладан, у жамоа мухлислари ва ҳатто жамоадошлари билан ҳам низога борган, Тибо Куртуа эса унинг жамоавий тушликларга бормаслигидан норозилигини билдирган.

29 ёшли Бэйл бу мавсум «қаймоқранглилар»нинг 38 ўйинида майдонга тушди ва 14та гол уриб, 5та ассист муаллифи бўлди. «Реал» уни 2013 йилда «Тоттенҳэм»дан 101 млн еврога сотиб олганди.

Кўпроқ янгиликлар