Braziliyaning Goyas shtati chempionatining “Atletiko Goiyaniyense” va “Vila-Nova” klublari o‘rtasidagi yarim final uchrashuvi ikki jamoa futbolchilari, murabbiylari va xodimlari o‘rtasidagi ommaviy mushtlashuv bilan yakunlandi. Bu haqda Globo nashri xabar berdi.
Final hushtagi chalingandan keyin raqiblar kim kuchliroqligini mushtlar yordamida aniqlashga kirishib ketishgan.
Mushtlashuvni politsiyaning maxsus bo‘linmasi vakillari aralashuvidan keyin bostirishga muvaffaq bo‘lingan. Ular yoqa bo‘g‘ishayotgan futbolchilarni tarqatish uchun ko‘zni yoshlatuvchi gaz qo‘llashlariga to‘g‘ri kelgan.
Mushtlashuv oqibatida “Atletiko Goyaniyense” fotosuratchisi tizza chiqishi jarohati bilan shifoxonaga yetkazilgan. U “hayratlanarli” suratlarni olishga berilib ketib, ur-to‘polon markazida qolib ketgan.
Após confusão entre jogadores dos dois times ao fim da partida entre Atlético-GO e Vila Nova, policiais entram em campo e soltam spray de pimenta na direção do rosto dos atletas https://t.co/CdUTcTGLE8 pic.twitter.com/wJBA7ZYg3S
— globoesportecom (@globoesportecom) 7 aprelya 2019 g.