5 aprel kuni «O‘ztransgaz» AJ boshqaruvi vakillari ishtirokida matbuot anjumani bo‘lib o‘tdi.

Tadbirda «O‘ztransgaz» AJ tomonidan 2018 yilda «Obod qishloq» dasturi doirasida amalga oshirilgan tabiiy gaz yetkazib berish ishlari va 2019 yilda aholini gaz bilan ta'minlash uchun ajratiladigan mablag‘lar to‘g‘risida ma'lumot berilgan.

Ma'lumotlarga ko‘ra, 2018 yil «Obod qishloq» dasturi doirasida qishloqlarda tabiiy gaz ta'minotini yaxshilash maqsadida 859 km. gaz quvurlari ta'mirlangan, 404 km. gaz quvurlari demontaj qilinib, 82 dona gaz taqsimlash punktlari ishga tushirilib, 2021 gaz taqsimlash punktlari texnik taftish qilingan.

Shuningdek, joylarda jami 62003 dona suyultirilgan gaz ballonlari tarqatilgan.

2019 yil davomida esa 709 km. gaz tarmoqlari ta'mirlanishi va 34870 dona maishiy gaz ballonlarini yetkazib berish belgilangan.

Bu ishlarni amalga oshirish maqsadida 25 mlrd. so‘m mablag‘ ajratilishi rejalashtirilgan, deya xabar beradi Kun.uz muxbiri.