5 апрель куни «Ўзтрансгаз» АЖ бошқаруви вакиллари иштирокида матбуот анжумани бўлиб ўтди.
Тадбирда «Ўзтрансгаз» АЖ томонидан 2018 йилда «Обод қишлоқ» дастури доирасида амалга оширилган табиий газ етказиб бериш ишлари ва 2019 йилда аҳолини газ билан таъминлаш учун ажратиладиган маблағлар тўғрисида маълумот берилган.
Маълумотларга кўра, 2018 йил «Обод қишлоқ» дастури доирасида қишлоқларда табиий газ таъминотини яхшилаш мақсадида 859 км. газ қувурлари таъмирланган, 404 км. газ қувурлари демонтаж қилиниб, 82 дона газ тақсимлаш пунктлари ишга туширилиб, 2021 газ тақсимлаш пунктлари техник тафтиш қилинган.
Шунингдек, жойларда жами 62003 дона суюлтирилган газ баллонлари тарқатилган.
2019 йил давомида эса 709 км. газ тармоқлари таъмирланиши ва 34870 дона маиший газ баллонларини етказиб бериш белгиланган.
Бу ишларни амалга ошириш мақсадида 25 млрд. сўм маблағ ажратилиши режалаштирилган, дея хабар беради Kun.uz мухбири.
