2018 йилда инвесторлар Ўзбекистондан 1,194 млрд доллар олиб чиқиб кетди

Иқтисодиёт 10:09 / 01.04.2019 14671

2018 йилда Ўзбекистондан инвестициялар репатриацияси ҳажми 1,194 млрд долларни ташкил этди, бу кўрсаткич 2017 йилда 779,8 млн долларга тенг бўлганди. Бу ҳақда Ўзбекистон Марказий банки хабар қилмоқда.

Идора маълумотларига кўра, 2018 йилда маҳсулот тақсимотига оид битимлар доирасида хорижий инвесторларга тўловлар 1,03 млрд долларни ташкил қилди. 2017 йилда бу рақам 524,4 млн доллар тенг эди.

2018 йилда бош компаниялардан олинган қарзларнинг сўндирилишига 166 млн доллар йўналтирилди, 2017 йилда бу кўрсаткич 255,4 млн доллар бўлган.

Бундан олдин, Ўзбекистоннинг ташқи қарзи 17,3 млрд долларга етгани хабар қилинганди.

Кўпроқ янгиликлар