Huawei Koreyaning Gentle Monster taniqli brendi bilan hamkorlikda o‘zining birinchi aqlli ko‘zoynagini chiqarish rejalari to‘g‘risida ma'lum qildi. Bu haqda TechCrunch yozmoqda.

Ko‘zoynaklar smart-ko‘zoynaklar deb ataluvchi narsadan ko‘ra, oddiy dizaynerlik ko‘zoynaklariga o‘xshash. Ular o‘zining oddiy funksiyalaridan tashqari, qo‘ng‘iroqlarni amalga oshirish va musiqa tinglash uchun Bluetooth-garnitura vazifasini ham bajarishi mumkin.

Qo‘ng‘iroqqa javob berish uchun shunchaki yon tomonga tegish kifoya qiladi, hech qanday tugma yo‘q. NFC texnologiyasi qo‘llab-quvvatlanadi.

Gardishga dinamiklar, mikrofon, antenna va akkumulyator joylashtiriladi. Kamera esa yo‘q, bu kompaniyaning maxfiylik bo‘yicha bahslardan qochish istagiga bog‘liq bo‘lishi mumkin.

Huawei 2019 yil iyul oyida ko‘zoynaklar chiqarishni rejalashtirmoqda. Ularning narxiga hozircha aniqlik kiritilmadi.

Bundan oldin, Huawei flagman smartfonlarini taqdim etgandi.