O‘zbekiston Rossiyadan Sharqiy iqtisodiy forum – VEF-2019’da ishtirok etish uchun taklifni kutib qoladi. Bu haqda O‘zbekistonning Vladivostokdagi bosh konsulligi rahbari Rustam Ismoilov “RIA Novosti” axborot agentligiga bergan intervyusida aytib o‘tdi.
1 mart kuni Vladivostokda O‘zbekistonning Uzoq Sharqdagi birinchi bosh konsulligi ochildi. U Moskva, Novosibirsk, Sankt-Peterburg va Yekaterinburgdagi diplomatik vakolatxonalar qatorida O‘zbekistonning Rossiyadagi beshinchi vakolatxonasi bo‘ldi. O‘zbekiston joriy yilda, shuningdek, Qozon va Rostov-Donda ham bosh konsulliklar ochishi kutilmoqda.
“Bu [O‘zbekiston delegatsiyasining ishtiroki] qabul qiluvchi tomon, ya'ni Rossiyaga bog‘liqdir. Biz taklifni kutib qolamiz. Odatda taklif bildirilganda ular kimni, qanday sonda, qanday tarkibda ko‘rishni istashlari ma'lum qilinadi”, deb aytgan Ismoilov.
Beshinchi Sharqiy iqtisodiy forum 4-6 sentabr kunlari Vladivostokda bo‘lib o‘tadi.