Dubayda dunyoning eng yaxshi o‘qituvchisiga million dollarlik mukofot puli topshiriladi

Jahon 19:55 / 24.03.2019 9779

Hindistonlik tadbirkor Sanni Varkeyning Varkey Foundation xayriya jamg‘armasi o‘qituvchi kasbiga qo‘shgan ulkan hissa uchun million dollarlik mukofot pulini topshiradi. Bu haqda Dubay matbuot anjuman Dubai Media Office ma'lum qildi. 

Mukofot topshirilishi marosimi 24 mart kuni Dubayda bo‘lib o‘tadi. Musobaqa finaliga Avstraliya, Argentina, Braziliya, Buyuk Britaniya, Gruziya, Hindiston, Keniya, Niderlandiya, AQSh va Yaponiyadan 10 da'vogar o‘tgan.

Mukofot ilk bor 2015 yilda o‘z egasiga topshirilgan. U BAA vitse-prezidenti va bosh vaziri, Dubay hukmdori shayx Muhammad bin Rashid Al Maqtum patronaji ostida topshiriladi. Joriy yilda mukofotga 179 ta davlatdan 10 mingta ariza topshirilgan.

2018 yilda mukofot Buyuk Britaniyaning Bristol shahridagi maktabning tasviriy san'at va to‘qimachilik ishi o‘qituvchisi Andriya Zafirakuga topshirilgan. 

Hind millatiga mansub tadbirkor Sanni Varkey Yaqin Sharqdagi eng yirik xususiy bolalar bog‘chalari va maktablari tarmog‘i GEMS Education’ga asos solgan.  

Ko‘proq yangiliklar: