«Real» bosh murabbiyi Zinedin Zidan «Chelsi» vingeri Eden Azar bilan suhbatlashib oldi, deb xabar tarqatdi Metro.

Manba ma'lumotiga ko‘ra, fransuz mutaxassisi belgiyalik hujumchini yozda Madrid klubiga o‘tishga ko‘ndirgan.

Avvalroq «Chelsi» «Real»ning Azar bo‘yicha 82 mln yevrolik taklifiga rad javobini bergani xabar qilingandi. Ta'kidlanishicha, «ko‘klar» 115 million so‘rashmoqda.

28 yoshli Eden «Chelsi»ga 2012 yil yozida «Lill» safidan kelib qo‘shilgan, uning transferi London klubiga 35 mln yevroga tushgandi. Bu mavsum u APLning 29ta o‘yinida qatnashdi va ularning 26tasida boshlang‘ich tarkibda maydonga tushdi. Ushbu uchrashuvlarda Azar 24ta golda bevosita qatnashdi (13+11).