Facebook ijtimoiy tarmog‘i ma'muriyati foydalanuvchilar akkauntlari parollarining bir qismi himoyalanmagan holda saqlanganini tan oldi. 

“Yanvarda xavfsizlikni tekshirish doirasida foydalanuvchilarning ba'zi parollari ma'lumotlarni saqlash ichki tizimlarimizda o‘qisa bo‘ladigan formatda saqlanganini aniqlaganmiz. Bu e'tiborimizni tortdi, chunki tizimga kirish uchun tizimlarimiz parollarni o‘qib bo‘lmaydigan qilib shifrlashga loyihalangan”, deyilgan xabarda.

Ta'kidlanishicha, ushbu muammo ijtimoiy tarmoqning yuz millionlab va Instagram xizmatining o‘n minglab foydalanuvchilariga ta'sir qilgan bo‘lishi mumkin.

Kompaniyada parollar ijtimoiy tarmoqdan tashqarida u-bu kimga ko‘rinmaganiga ishontirishgan hamda akkauntlar noqonuniy kirishga uchragani izlari aniqlanmagani ta'kidlab o‘tilgan. 

Ma'lum qilinishicha, ayni vaqtda muammo bartaraf etilgan va ijtimoiy tarmoq ma'muriyati ehtiyot chorasi sifatida parollari nomaqbul holatda saqlangan barcha foydalanuvchilarga xabar berilishini aytgan.