Шавкат Мирзиёев Янги Зеландия генерал-губернаторига ҳамдардлик мактуби йўллади

Жаҳон 15:33 / 15.03.2019 20683

Ўзбекистон Республикаси Президенти Шавкат Мирзиёев Крайстчерч шаҳрида содир этилган террорчилик ҳаракатлари оқибатида кўплаб инсонлар ҳалок бўлгани муносабати билан Янги Зеландия генерал-губернатори Пэтси Реддига ҳамдардлик мактуби йўллади. 

Президент матбуот хизмати хабарига кўра, давлат раҳбари ҳалок бўлганларнинг яқинларига самимий таъзия ва ҳамдардлик билдириб, жароҳат олганларнинг тез фурсатларда шифо топишларини тилади.

Янги Зеландиянинг Крайстчерч шаҳридаги иккита масжидда жума намозидан кейин содир этилган отишма оқибатида камида 49 киши ҳалок бўлди. Шифохоналарга 30 га яқин ярадор етказилди. 

Бундан олдин, Янги Зеландиядаги фожиа тафсилотлари маълум бўлганди.

Кўпроқ янгиликлар