Армиядаги 2 йил ўрнига 2 йиллик қамоқ: Душанбеда ҳарбий хизматдан бош тортган йигит қамалди

Жаҳон 11:04 / 15.03.2019 11829

Душанбе гарнизони ҳарбий суди ўтган йилнинг 27 октябрь куни Тожикистон Қуролли кучлари сафига чақирилган, Душанбе шаҳрида яшовчи Шарифбек Зулфиқоровни икки йилга озодликдан маҳрум этди.

Ўшанда ҳарбий-тиббий комиссия уни хизматга яроқли деб топди, дея таъкидлашган судда. Бироқ, тиббий комиссиясидан ўтгандан сўнг, Зулфиқоров миллий армия сафида хизмат қилишдан қатъий бош тортди.

«Шунга қарамай, у кейинчалик хизмат қилиш учун пойтахтдаги ҳарбий қисмлардан бирига юборилди, аммо хизмат жойига келганидан сўнг, агар ҳарбий хизматдан озод этишмаса, ўз жонига қасд қилиши ҳақида айтган ва ҳарбий хизматни ўташдан қатъий равишда бош тортган», - дея хабар берди «АП» Душанбе гарнизони ҳарбий судидаги манбага асосан.

Тожикистон Жиноят кодексининг 376-моддаси (ҳарбий хизматдан ўзига ўзи зарар етказиш ёки бошқа усул орқали бўйин товлаш) бўйича унга қарши жиноий иш қўзғатилди.

Суд қарорига кўра, у икки йилга озодликдан маҳрум қилинди ва жазони умумий тартибли колонияда ўташи белгиланди.

Кўпроқ янгиликлар