AliExpress Rossiyada avtomobillarni onlayn sotishni yo‘lga qo‘yadi, deb xabar berdi «Kommersant'».

Savdoga birinchi bo‘lib Xitoyning Chery kompaniyasi o‘zining Chery Tiggo 3, 4, 5 va 7 krossoverlarini qo‘yadi.

Kelgusida onlayn platformadagi avtomobil brendlari sonini oshirish rejalashtirilgan. Kompaniya xaridorlarni qo‘shimcha assortiment va maxsus takliflar orqali jalb etmoqchi.

AliExpress vakillarining aytishlaricha, mijozlarning avtomobil va mototsikllarga mo‘ljallangan mahsulotlarga qiziqishi anchadan buyon kuzatilmoqda.

Avvalroq rossiyalik milliarder Alisher Usmonov AliExpress Russia’ni ochmoqchi ekanligi xabar qilingandi.