«Barselona» Modrich bilan hazil qildi

Ispaniya Qirol Kubogi yarim finalining javob o‘yinida «Barselona» Madridda «Real»ni 3:0 hisobida yengganidan xabaringiz bor. O‘sha kuni «Oltin to‘p»ning amaldagi sohibi Luka Modrich raqibi Lionel Messining futbolkasidan tortib qolayotgan surati mashhur bo‘lib ketgandi.

«Barselona» rasmiy tvitteri bu holatni yengil hazilga oldi. «Messining futbolkasini klubning onlayn-do‘konida olish osonroq»,- deb yozadi klub rasmiy tvitteri. Onlayn-do‘konning veb manzili ko‘rsatilgan bu e'longa Modrich Messining libosini tortayotgan rasm ilova qilingan.

Ta'kidlash joiz, Modrich futboldagi Messi va Ronalduning 10 yil davom etgan gegemonligiga chek qo‘yib, 2018 yil yakunlariga ko‘ra «Oltin to‘p»ni qo‘lga kiritgandi.