2019 yil 11 fevral kuni Farg‘ona viloyatining O‘zbekiston tumanida yashovchi, “Tasviriy oyina” ijodiy uyushmasi rahbari J.Q. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

U shu yil 10 fevral kuni noma'lum shaxs yuqoridagi uyushma xonasiga kalit tanlash yo‘li bilan kirib, u yerdan “Aser” rusumli noutbuk va “Samsung” rusumli printerni o‘g‘irlab ketganligini ma'lum qilgan.

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni G‘aniobod mahallasida yashovchi D.T. (ayol) sodir etganligi aniqlanib, ushlandi. 

Tergov harakatlari davom etmoqda, deyiladi xabarda.