Тошкентда шер болаларини 6 минг долларга пуллаётган шахслар қўлга тушди

Ўзбекистон 21:27 / 22.02.2019 12266

Давлат божхона қўмитаси Контрабанда ва божхона қонунчилиги бузилишига қарши курашиш бошқармаси ходимлари Тошкент шаҳрининг Шайхонтоҳур тумани ҳудудида ўтказилган тезкор тадбир давомида ёввойи ҳайвонларнинг ноқонуний олди-сотдиси фош қилинди, деб хабар бермоқда ДБҚ ахборот хизмати.

«Фуқаролар Н.А., А.З., Р.Д. ва А.А.лар «Ласетти» ҳамда «Спарк» автомашиналари салонидаги 2 бош шер болаларини 6 минг АҚШ долларига пуллаётган вақтида ашёвий далиллар билан қўлга олинди», — дейилади қўмита хабарида.

Таъкидланишича, ҳозирда ушбу ҳолатлар юзасидан суриштирув ҳаракатлари олиб борилмоқда.

Кўпроқ янгиликлар