Озарбойжон президентининг ўғли «Рублёвка»да 35 млн долларлик уйга эгалиги аниқланди

Жаҳон 14:25 / 20.02.2019 23101

Озарбойжон президенти Илҳом Алиевнинг ўғли Ҳайдар Москва областидаги Рублёво-Успенский шоссесида ер участкаси ва уйга эгалик қилади. Бу ҳақда «Проект» нашри Росреестр маълумотларига асосан хабар бермоқда.

«Сади Майендорф» посёлкасидаги ер майдони етти минг квадрат метрдан ошади, ҳашаматли уйнинг майдони - 1,6 минг квадрат метр. «Проект» уй-жой нархини 2,3 миллиард рублга (тахминан 35 миллион доллар) баҳолади. Унинг ёнида Россия президенти ва бош вазирининг қароргоҳи жойлашган.

Илҳом Алиевнинг ўғли 2007 йилда, тўққиз ёш бўлганида уй эгасига айланган. Росреестр маълумотларига кўра, кўчмас мулк унга Озарбойжон президентининг қайнотаси Ориф Пашаев томонидан сотиб олинганидан бир йил ўтиб совға қилинган.

Озарбойжон президенти маъмурияти «Проект»нинг бу борадаги мурожаатига жавоб бермаган.

Россияда Алиевлар оиласи Рублёвкадаги уйга эгалик қилади, у Озарбойжон президентининг катта қизи Лайло Алиевага тегишли. Аввалроқ, буни OCCRP аниқлаганди. «Проект» маълумотларига кўра, Озарбойжон президенти ва унинг турмуш ўртоғи Большая Якиманкадаги 136 метр келадиган квартирага ҳам эгалик қилиши мумкин.

Transparency International маълумотларига кўра, Озарбойжон коррупцияни қабул қилиш рейтингида 180 ўриндан 152-поғонани эгаллайди.

Кўпроқ янгиликлар