Indoneziyaning Pekanbaru shahridan Jakartaga yo‘nalayotgan samolyotda favqulodda hodisa yuz berdi. Yo‘lovchilardan biri bagaj qo‘yiladigan tokchada katta o‘lchamli chayonni aniqlagan. Bu haqda Mirror nashri xabar berdi.
OAV ma'lumotlariga ko‘ra, samolyot aeroportga qo‘nganda, yo‘lovchilardan biri bagaj tokchasini ochib u yerdan sumkasini olmoqchi bo‘lganda, 30 santimetrlik chayonga ko‘zi tushgan.
Bunday holatdan yo‘lovchilar sarosimaga tushib, yugura boshlashgan va yo‘lakda tiqilinch yuzaga kelgan. Aeroport xodimlari yetib kelishganda, chayon qochib ketishga ulgurgan. Aviakompaniya xodimlari odamlarni xavotirga qo‘ygan “qoidabuzarni” aniqlashga va'da berishgan.
Voqea oqibatida hech kim jabrlanmagan.