Петербургда мина ҳақидаги хабарлар туфайли бир суткада 90 мингга яқин киши эвакуация қилинди

Жаҳон 15:25 / 19.02.2019 4870

Санкт-Петербургда мина ҳақидаги аноним хабарлар туфайли 90 мингга яқин киши эвакуация қилинди, бирорта ҳам хабар тасдиқланмади, деб маълум қилди қонунчилик, ҳуқуқ-тартибот ва хавфсизлик бўйича шаҳар қўмитаси.

"Ўтган суткада полициячилар, қутқарувчилар ва Росгвардия ходимлари миналаштириш ҳақидаги хабарлардан сўнг мингдан ортиқ бино ва иншоотларни текширди. 436та бинодан 90 мингга яқин киши эвакуация қилинди", - дейилади хабарда.

2019 йил январь-февралида Россия шаҳарлари бўйлаб маъмурий бино ва ижтимоий объектлар миналаштирилгани ҳақида қатор хабар ва қўнғироқлар тўлқини юз берди.

Бундай ҳолат 2017 йил 11 сентябрда ҳам юз берган, ўшанда Россиянинг 85та регионидан 75тасида миналаштириш ҳақида қўнғироқлар бўлганди.

Кўпроқ янгиликлар