Shimoliy Koreya yetakchisi Kim Chen In AQSh prezidenti Donald Tramp bilan navbatdagi uchrashuvi o‘tadigan Vetnamga 25 fevralda keladi.
Bu haqda Kim Chen Inning jadvalidan xabardor bo‘lgan uchta manbaga iqtibos keltirgan holda Reuters axborot agentligi xabar berdi.
Shimoliy Koreya rahbari Xanoyda Vetnamning rasmiy shaxslari bilan uchrashadi. Kim Chen In, shuningdek, Baknin viloyati va Xayfong shahriga tashrif buyuradi, Vetnam prezidenti Nguyen Fu Chong bilan uchrashadi.
Avvalroq Tramp uning Kim Chen In bilan ikkinchi uchrashuvi Vetnam poytaxtida 27-28 fevral kunlari bo‘lib o‘tishini ma'lum qilgandi.
