Путин ва Лукашенко бир жамоада ўйнашди (видео)

Жаҳон 00:49 / 16.02.2019 20613

Россия ва Беларусь президентлари Владимир Путин ва Александр Лукашенко 15 февралда Сочидаги “Шайба” муз аренасида хоккей бўйича ўртоқлик учрашувида иштирок этишди. 

Икки етакчи бир жамоада – “Йўлбарслар” жамоасида ҳаракат қилиб, “Айиқлар” жамоасини 16:1 ҳисобида тор-мор этишган. 

Ушбу учрашув икки давлат раҳбарларининг уч кунлик музокараларига ўзига хос нуқта ясаган. 

Учрашув 15 дақиқадан 3 тайм давом этган. Президентлар билан бир жамоада Лукашенконинг ўғли Николай ҳам бирга шайба сурди. Беларусь президенти ва ўғли музга 1-рақам, Путин эса 11-рақам остида чиқишган.

Путин ва ота-ўғил Лукашенко ўз ҳисобларига шайбалар ёзиб қўйишган. Дарвозанинг ишғол қилиниши билан якунланган бир қатор вазиятлар учовлоннинг биргаликдаги ҳаракатлари натижаси бўлган.

Лукашенко ва Путин биринчи марта биргаликда музга чиқишлари эмас. Россия президенти хорижий ҳамкасбларини хоккей ўйнаб туришга тез-тез чақириб туради.  

Кўпроқ янгиликлар