Пенс ЕИни Эрон ядро битимидан чиқиб кетишга чақирди

Жаҳон 16:59 / 16.02.2019 6062

АҚШ вице-президенти Майк Пенснинг маълум қилишича, Европа АҚШ каби йўл тутиши ҳамда Эрон ядро битимидан воз кечиши керак. Бу ҳақда РИА «Новости» хабар қилмоқда.

Таъкидланишича, бу Хавфсизлик бўйича Мюнхен конференциясида юз берган.

«Европалик шерикларнинг биз ва Эрон халқи, минтақамиздаги иттифоқчиларимиз ҳамда дўстларимиз билан бирга бўлиши вақти келди. Европалик шерикларнинг ядро битимидан воз кечиши вақти келди», - дея таъкидлаб ўтди Пенс.

2018 йилда АҚШ президенти Дональд Трамп 2015 йилги Эрон ядро битимидан чиқиб кетиш тўғрисида қарор қабул қилди. Кейинчалик, Американинг Теҳронга нисбатан санкциялари тикланди. 

Эслатиб ўтамиз, аввалроқ АҚШ давлат котиби Майк Помпео Эронга қаршилик қилмасдан туриб Яқин Шарқда тинчликка эришиб бўлмаслигини айтганди.

Кўпроқ янгиликлар