Грузияда ўзбекистонлик аёл 12 йилга қамалди

Жаҳон 13:58 / 16.02.2019 26462

Батуми шаҳар суди ўзбекистонлик аёлни 12 йилга озодликдан маҳрум қилди. У ўз ватандошини Грузияда фоҳишалик билан шуғулланишга мажбурлаган, деб хабар бермоқда Sputnik Грузия мамлакат Бош прокуратурасига таянган ҳолда.

Иш материалларида айтилишича, 2018 йилнинг январида аёл Ўзбекистонда бўлган юртдоши билан боғланиб, уни Грузияда ишлашга таклиф қилган. У рози бўлган ҳамда 2018 йил февраль ойида Грузияга келиб, Қора денгиз бўйидаги Батуми курорт шаҳрида ижара уйга жойлашган.

Кейинчалик уни Грузияга таклиф қилган аёл паспортини олиб қўйиб, шаҳарда эркин ҳаракатланишни тақиқлаган ва фоҳишалик билан шуғулланишга мажбурлаб, пулларни ўзига олган. Аёлни Батуми ва Аджариянинг Хелвачаур туманидаги тунги клублар, меҳмонхоналар ҳамда ресторанларга тунги вақтда мажбурлаб олиб боришган.

Полиция жиноят иши очганида, гумонланувчи ғойиб бўлган. 2018 йил май ойида у қидирувга берилди, 14 кундан кейин эса Ахалкалаки (Самцхе-Жавахети минтақаси) шаҳрида қўлга олинди.

Кўпроқ янгиликлар